Ana səhifə Planet |
FETÖ-nun "Mərvə" kod adlı qadın üzvü 2015-ci il oktyabrın 10-da İŞİD-in Ankarada törətdiyi terrorla bağlı yeni şifrəni açıb.
Axar.az xəbər verir ki, Mərvə hadisədən əvvəl FETÖ-çuların "Baylok" (ByLock) adlı gizli mesajlaşma proqramı ilə terrordan xəbərdar edildiyini bildirib. FETÖ-çu qadın terrordan xəbərdar olsa da, bu haqda təhlükəsizlik qüvvələrinə məlumat verməyib:
"Ankarada terrordan bir gün əvvəl bizə "Baylok" vasitəsi ilə "Sabah küçəyə çıxmayın, terror olacaq. Yaxınlarınızı, qohumlarınızı da xəbərdar edin", - deyə bir mesaj gəldi. Mən də Ankaradakı yaxınlarıma xəbər verdim. Səhəri gün TV-də Ankarada terror olduğunu öyrəndim. Onlarla insanın həlak olduğunu görüb çox üzüldüm".
Qeyd edək ki, 2015-ci il oktyabrın 10-da Ankarada törədilən terror nəticəsində 102 nəfər həlak olub, 391-i yaralanıb.
Tarix
2016.10.04 / 14:05
|
Müəllif
Aqşin Evrən
|