Rusiya Suriya məsələsində konstruktiv mövqe tutmalıdır.

Axar.az xəbər verir ki, bunu "TV5 Monde" televiziyasına müsahibəsində Fransa Xarici İşlər naziri Jan Mark Eyro söyləyib.

Onun sözlərinə görə, Rusiyanın Hələbdə hospitallara endirdiyi aviazərbələr hərbi cinayətdir:

"BMT Təhlükəsizlik Şurasının bütün üzvləri təcili şəkildə Hələbdəki vəziyyətlə bağlı qətnaməni dəstəkləməlidir. Hələbdəki hospitallara endirilən zərbələr hərbi cinayətdir. Rusiya belə bir məsuliyyəti üzərinə götürməyə hazırdırmı? Rusiya özünün Hələbdəki zərbələrinin effektiv olduğunu söyləyir. Hadisə yerindən bizə dəhşətli kadrlar gəlir. Zərbələr terrorçulara yox, dinc vətəndaşlara tuş gəlir. Bunu təcili olaraq həll etmək lazımdır".