ABŞ ilə Rusiya arasında getdikcə gərginləşən münasibətlər nüvə təhdidləri səviyyəsinə çatıb.

Axar.az xəbər verir ki, İngiltərə mediası Rusiyanın mümkün nüvə müharibəsinə hazırlaşdığını iddia edib.

Prezident Vladimir Putin bu məqsədlə paytaxt Moskvada 12 milyon vətəndaşın yerləşəcəyi nəhəng yeraltı sığınacağ tikdirib.

Rusiyalı rəsmilər ABŞ-ın nüvə hücumunu Suriyada razılığın əldə olunmaması ilə əlaqələndirir. Onların fikrincə, Yaxın Şərq böhranı iki ölkə arasında nüvə müharibəsinin başlanmasına səbəb ola bilər.

Xatırladaq ki, ötən gün Vladimir Putin ABŞ-la Plutonium istifadəsi ilə bağlı imzalanmış anlaşmanın dondurulması barədə qərar imzalayıb. Anlaşma 2010-cu ildə Rusiyanın Xarici İşlər naziri Sergey Lavrovla o dövrdə dövlət katibi olmuş Hillari Klinton arasında imzalanmışdı.