İran parlamentinin spikeri Əli Laricani Almaniyanın vitse-kansleri Ziqmar Qabriellə görüşdən imtina edib.

Axar.az xəbər verir ki, bu barədə informasiyanı "Şpigel" jurnalı yayıb. Hələlik Laricaninin görüşdən nə üçün imtina etməsi ilə bağlı heç bir səbəb göstərilməyib.

Jurnal İran tərəfinin belə addım atmasına səbəb kimi Qabrielin İsraillə bağlı səsləndirdiyi fikirləri göstərib. Belə ki, Qabriel İrana səfərindən öncə mətbuata açıqlamasında Almaniyanın İranla dost münasibətlərinin yalnız rəsmi Tehranın İsraili tanımasından sonra bərpa olunacağını bildirib.

Qeyd edək ki, Ziqmar Qabriel oktyabrın 2-dən 4-nə qədər İranda səfərdə olub.