İsrail Baş naziri Benyamin Netanyahu dünya çempionatının finalında Argentinaya dəstəyini ifadə edib.

Axar.az xəbər verir ki, Netanyahu bu barədə Argentinanın İsraildəki səfiri Şimon Aksel Vahnişlə görüşü zamanı bildirib.

Netanyahu Argentina azarkeşi olduğunu gizlətmədiyini söyləyib və bir çox israillinin də eyni hissləri keçirdiyini əlavə edib.

“Mən Argentinanın azarkeşi olduğumu gizlətmirəm, düşünürəm ki, əksər İsrail vətəndaşı belə düşünür. Çünki Prezident Xavyer Miley İsrailin Argentina ilə münasibətlərində inqilab edib və bizim daha böyük və ya daha yaxşı dostlarımız yoxdur. Buna görə də biz onları dəstəkləyirik”, - o vurğulayıb.

Qeyd edək ki, bu gecə Bakı vaxtı ilə 23:00-da İspaniya və Argentina dünya çempionatının finalında üz-üzə gələcək.