İran Prezidenti Həsən Ruhani gələn il keçiriləcək prezident seçkilərində mandatını itirmək təhlükəsi ilə qarşı-qarşıya qalıb.

Axar.az xəbər verir ki, bu barədə "Taymtürk" yazarı, analitik Məlahət Kamalın məqaləsində qeyd edilib.

Qeyd edilir ki, İran mühafizəkarları Ruhanini nüvə müqaviləsi çərçivəsində çirkli pulların yuyulması və bank sistemindəki dəyişikliklərlə əlaqədar hədəf alıblar.

Müxaliflər və inqilabçılar qeyd edilənlərin İranın suverenliyini təhlükəyə atacağını düşünür.

Mühafizəkarlar Ruhani rəhbərliyini vətənə xəyanət etməkdə ittiham edir və onun çirkli pulların yuyulması ilə mübarizə aparmasının ölkənin suverenlik hüquqlarından imtina etmək məcburiyyətində qoyacağını bildirirlər.