Nyu York şəhərində ölkənin ən böyük məktəb dairəsində humanoid robot müəyyən dərsləri tədris edəcək.

Axar.az xəbər verir ki, bu barədə “Trending Politics” xəbər platformasının həmtəsisçisi Kollin Reyq X-də dərc olunmuş məqaləsində bildirib.

"Nyu York şəhər məktəb dairəsi ABŞ-da sinif otağına humanoid robot inteqrasiya edən ilk məktəblərdən biri olacaq. Qərbi Nyu York ləhcəsinə sahib olacaq Salli Salamanka Liseyində 11-ci və 12-ci sinif şagirdlərinə dərs deyəcək", - deyə o yazıb.

Reyqin sözlərinə görə, Salli adlı robot insana çox bənzəyəcək şəkildə hazırlanacaq. O, qollarını və ayaqlarını hərəkət etdirə biləcək, lakin sinif otağında hərəkət edə bilməyəcək. Şagirdlər robotun onları tanıması üçün platforma ilə sinxronizasiya edə biləcəklər.

Qeyd edək ki, Sallinin qiyməti Nyu York şəhərindəki orta illik müəllim maaşından (57.000 dollar) aşağıdır.