Tiflisdə Vahid Milli Hərəkat Partiyasının liderlərindən biri olan Qivi Tarqamadzenin maşını partladılıb.

Axar.az xəbər verir ki, bunu "Rustavi 2" televiziyasına açıqlamasında gürcü deputat Nuqzar Siklauri söyləyib. Onun sözlərinə görə, partlayış nəticəsində Tarqamadzenin sürücüsü yaralanıb və vəziyyəti ağırdır.

O, sürücü ilə bərabər daha iki nəfərin xəsarət aldığını söyləyib.

Qeyd edək ki, Tarqamadze Gürcüstanın eks-prezidenti Mixail Saakaşvilinin ən yaxın tərəfdarlarından biridir. Taqramadze 2003-cü ildə baş tutan Qızılgül inqilabının əsas ideoloqu sayılır.