NATO Rusiyanı zəiflətmək istəmir.

Axar.az xəbər verir ki, bu sözlər ABŞ Dövlət katibi Con Kerrinin rusiyalılara müraciətində yer alıb. O, müraciətində Qərbin öz dəyərlərindən əl çəkməyəcəyini bildirib:

"NATO müdafiə xarakterli təşkilatdır. Rusiyalılar, xüsusilə, onu da bilməlidirlər ki, onların liderlərinin dediklərindən fərqli olaraq, NATO nə sizin, nə də dünyanın başqa bir ölkəsinin qarşısını almağa və ya zəiflətməyə çalışır. Biz Rusiya ilə işləmək istəyirik. Biz elə bir Rusiya ilə işləmək istəyirik ki, eynən bizim kimi qarşısına ümumi problemləri həll etməyi hədəf qoysun. NATO və Avropa Birliyinin Rusiya ilə ümumi dil tapmaq istəməsi bizi öz dəyərlərimizi müdafiə etmək məsuliyyətindən azad etmir. Məhz buna görə biz stabil, bütöv və demokratik Ukraynanı müdafiə edirik. Moskvanın bu məsələdə şübhələri olmamalıdır. Biz öz dəyərlərimizi müdafiə edəcəyik. Birbaşa aqressiyanı bizdən heç kim qəbul etməyə hazır deyil".