Çin Rusiyanın Ukraynaya qarşı müharibədə qazandığı döyüş təcrübəsini mənimsəyir və qabaqcıl hərbi texnologiyalar əldə edir. Buraya dronların istifadəsi, şəhər mühitində müharibə və digər aspektlər daxildir.

Axar.az xəbər verir ki, bu barədə “Ekonomist” jurnalı məlumat yayıb.

Bildirilib ki, 2024-cü ildən bəri Çin qoşunları Rusiyanın Volqoqrad şəhəri yaxınlığındakı poliqonda təlim keçir. Ukraynada döyüşlərdə iştirak edən Rusiyanın 8-ci Ümumqoşun Ordusunun bölmələri də bu bazada müntəzəm olaraq təlimdədir.

Təlimlər müasir müharibənin əsas elementlərini əhatə edir:

- Dronlar və radio-elektron müharibə: dronların, elektron müharibə sistemlərinin və avtonom sistemlərin istifadəsi;

- Döyüş taktikası: şəhər ərazilərində, səngərlərdə və meşəlik ərazilərdə əməliyyatlar;

- Hücum əməliyyatları: möhkəmləndirilmiş mövqelərin ələ keçirilməsi və mina sahələrinin salınması;

- Tibb: intensiv atəş altında səhra tibbi yardımının göstərilməsi.