ABŞ hakimiyyəti dünya çempionu olan İspaniya milli komandasından ABŞ ərazisində əldə edilən gəlirlərə görə 15 milyon dollardan çox vergi ödəməyi tələb edib.

Axar.az Musavat.com-a istinadən xəbər verir ki, tələb olunan məbləğ mükafat fondunun təxminən 30 faizinə bərabərdir.

FİFA-nın Dünya Çempionatı reqlamentinə əsasən, turnirin qalibləri ev sahibi ölkədə bu mükafata görə vergidən azad edilir. Lakin amerikalı hüquqşünaslar fərqli hüquqi şərhə nail olublar.

Onlar sübut ediblər ki, İspaniya milli komandası vahid kollektiv deyil, ayrı-ayrı fiziki şəxslərin məcmusudur. Bu yanaşma nəticəsində futbolçuların qazandıqları mükafatın ABŞ-da gəlir vergisinə cəlb olunması tələb edilir.