Türkiyə Prezident Rəcəb Tayyib Ərdoğanın qızı Süməyyə Ərdoğanın avtomobil kortejindən oğurlanan silahların terrorla heç bir əlaqəsi yoxdur.

Axar.az xəbər verir ki, bu barədə Türkiyə Prezident Administrasiyasının mətbuat mərkəzi məlumat yayıb.

"Məlum olduğu kimi, sözügedən silahlar 13 iyul 2016-cı il tarixində polis tərəfindən təşkil edilən əməliyyat nəticəsində tapılıb. Hadisə ilə bağlı 5 şübhəli şəxs saxlanılıb. Baş Prokurorluğun da verdiyi qərara uyğun olaraq, məsələnin terrorla heç bir əlaqəsinin olmadığı ortaya çıxıb", - açıqlamada bildirib.

Qeyd edək ki, iyulun 10-da Süməyyə Ərdoğanı mühafizə edən kortejə aid avtomobillərdən birindən naməlum şəxslər tərəfindən silah-sursat oğurlanmışdı.