ABŞ prezidentliyinə namizədliyini irəli sürən Donald Tramp seçicilərinə səslənərkən yenə də müzakirələrə səbəb olacaq ifadələr işlədib.

Axar.az xəbər verir ki, o, ölüm ayağında olan seçicilərə səslənib.

"Nə qədər xəstə olduğunuz mənim üçün önəmli deyil. Həkimdən yeni gəlməyiniz, sizə ən pis diaqnozun qoyulması, iki həftə ərzində öləcəyinizin deyilməsi belə əhəmiyyətsizdir. Bunların heç bir önəmi yoxdur. 8 oktyabra qədər dözün və gedib səs haqqınızdan istifadə edin. Bundan sonra sizə tək deyəcəyimiz "Sizi sevirik və sizi hər zaman xatırlayacayıq" olacaq", - deyə Tramp bildirib.

Tramp sonra bu sözləri ilə zarafat etdiyini desə də, eyni zamanda "ciddi olduğunu" da qeyd edib.