İran həmişə Suriya xalqının yanında yer alacaq.

Axar.az xəbər verir ki, bunu jurnalistlərə açıqlamasında İran Ali dini lideri Ayətullah Əli Xameneinin müşaviri Əli Əkbər Vilayəti söyləyib. Onun sözlərinə görə, Suriyaya qarşı savaşda ABŞ-ın yanında yer alan ərəb ölkələri peşman olacaqlar:

"İran İraqdan Suriya və Livana qədər uzanan bölgəni düşmənin oyunlarından qoruyur. Bölgədə Amerikanın oyunlarına aldanan ölkələr bölünmə riski ilə qarşı-qarşıyadırlar. Amerika Suriyanı kiçik dövlətlərə bölməyi hədəfləyir. Onlar Suriya neftini özləri üçün istəyirlər. Amerikanın Suriya röyası heç vaxt gerçəkləşməyəcək".