Çad məhkəməsi "Ekson Mobayl" neft şirkətini 74 milyard dollar cərimə edib.

Axar.az xəbər verir ki, şirkətin məhkəməyə verilməsinə səbəb Çad Maliyyə Nazirliyi olub. Belə ki, nazirlik şirkətin vergi borclarını ödəmədiyini bildirib.

Qeyd edək ki, təyin olunan bu cərimə Çadın ümumdaxili məhsulundan 5 dəfə çoxdur. Belə ki, bu ölkənin ümumi daxili məhsulu 14 milyard dollardır.

Bu, neft şirkətləri ilə bağlı Çadda yaşanan ilk problem deyil. 2006-cı ildə Çad hökuməti "Şevron" və "Petronas" şirkətlərini də vergi borclarını ödəməməkdə günahlandırıb və onlara ölkəni tərk etmələri üçün 24 saat vaxt verib. Sonradan tərəflər arasında bu gərginlik həll edilib.