İran parlamentində İsrailin Baş naziri Benyamin Netanyahu və ABŞ Prezidenti Donald Trampın həbs, yaxud cərimə olunması ilə bağlı qanun qəbul edilə bilər.

Axar.az xəbər verir ki, bu barədə “Fars” agentliyi İran parlamentinin deputatı Mehdi Kiçikzadəyə istinadən məlumat verib.

Kiçikzadənin sözlərinə görə, parlamentdə hazırlanan "Beynəlxalq cinayətlər haqqında" yeni qanun layihəsində cinayətkarlar üçün ölüm hökmü də daxil olmaqla, İslam cinayət hüququnun müddəaları nəzərə alınmır:

"Əks halda bu qanun layihəsi İsrail və ABŞ tərəfindən törədilmiş cinayətlərin araşdırılmasında bizə kömək etməyəcək".

Deputat bildirib ki, hazırkı qanun layihəsində Netanyahu və Tramp üçün nəzərdə tutulan ən ağır cəza həbs və cərimələrdən ibarətdir.