Türkiyə Prezidenti Rəcəb Tayyib Ərdoğan İraqla davam edən siyasi böhrana münasibət bildirib.

Axar.az xəbər verir ki, 9-cu Avrasiya İslam Şurasının açılışında danışan prezident heç bir qüvvənin türk ordusunu İraqdan çıxarmaq gücündə olmadığını deyib:

"Sənin İraqdan bağırmağın (İraqın Baş naziri Heydər Abadi nəzərdə tutulur – red.) önəmli deyil. Biz bildiyimizi oxuyacağıq. İraqın baş naziri həddini bilsin. Mənim sünnilik deyə bir dinim yoxdur. Mənim şiəlik deyə bir dinim də yoxdur. Mənim dinim din-i mübin olan islamdır".

Xatırladaq ki, İraqın Baş naziri Heydər Abadi Türkiyənin Mosul əməliyyatlarında iştirakına icazə verməyəcəklərini deyib. O, Başika düşərgəsindəki türk qüvvələrinin ölkədən çıxarılmasını tələb edir.