Kreml müharibənin daha da şiddətlənməsini istisna etmir və bəzi rəsmilər Rusiyanın artıq nüvə silahından son çıxış yolu kimi istifadə etmək imkanını nəzərdən keçirdiyini iddia edirlər.

Axar.az xəbər verir ki, bu barədə “Blumberq” məlumat yayıb.

Nəşrin Kremlə yaxın mənbələrinə görə, hərbi əməliyyatların şiddətlənməsi getdikcə daha çox Rusiya rəsmilərini Prezident Vladimir Putinin bir anda Ukraynaya qarşı taktiki nüvə silahlarından istifadə etməyi düşünə biləcəyi barədə fərziyyələr irəli sürməyə vadar edir.

“Bu, məhz son çıxış yoludur. Eyni zamanda, Moskva vəziyyətin daha da gərginləşməsi üçün mümkün ssenariləri getdikcə daha çox müzakirə edir”, - deyə anonim mənbə bildirib.