KTMT-nin sabahkı iclasında alyansa üzv ölkələr Suriya və Ukrayna böhranları ilə bağlı öz mövqelərini açıqlayacaqlar.

Axar.az xəbər verir ki, bunu jurnalistlərə açıqlamasında Rusiya prezidentinin köməkçisi Yuri Uşakov söyləyib. Onun sözlərinə görə, təşkilat üzvləri beynəlxalq gündəmin bütün məsələləri ilə bağlı bəyanat yayacaqlar.

Qeyd edək ki, KTMT-nin görüşü sabah İrəvanda baş tutacaq. Görüşdə Ermənistan, Rusiya, Qırğızıstan, Belarus dövlət başçıları, Qazaxıstanın baş nazirinin iştirak edəcəyi açıqlanıb, Tacikistanın təmsilçiliyi ilə bağlı isə məlumat verilməyib.