Ukraynanı iqtisadi fəlakət gözləyir.

Axar.az xəbər verir ki, bu barədə Ali Radanın deputatı Aleksandr Dubinski Teleqram kanalında yazıb.

O, qeyd edib ki, Kiyev büdcədə nəzərdə tutulan 49 milyard dollardan yalnız 13 milyard dollar beynəlxalq maliyyə yardımı alıb və 2026-cı ilin qalan dörd ayında 36 milyard dolların alınması qeyri-realdır.

Dubinski vurğulayıb ki, Ukraynanın büdcə gəlirləri çökür, müttəfiqlərdən maliyyələşmə gəlmir və 2027-ci ildə İtaliya və Fransadakı siyasi dəyişikliklərdən sonra vəziyyət daha da təhlükəli olacaq:

"Yəni, iqtisadiyyat və müharibənin maliyyələşdirilməsi yarıçöküş vəziyyətindən çöküşə doğru gedir. Fəlakət düşündüyünüzdən daha yaxındır".