Rusiyanın Krasnoyarsk vilayətinin Kansk şəhərində məktəbdə tədbirdən əvvəl VII sinif şagirdi müəllimə hücum edib.

Axar.az xəbər verir ki, bu barədə “Baza” Teleqram kanalı məlumat yayıb.

Məlumata görə, şagird müəllimin üzünə bibər qazı sıxıb, daha sonra isə bıçaq çıxarıb.

“Şagirdlərdən birinin anası hücum edən qızın qarşısını ala bilib. Hücuma məruz qalan fizika müəllimi ciddi xəsarət almayıb. Ümumilikdə, hücum nəticəsində 7 nəfər xəsarət alıb. Yaralananlardan 5-i məktəblidir. Zərərçəkənlər xəstəxanaya çatdırılıb və ambulator tibbi yardım göstərildikdən sonra evə buraxılıblar”, - məlumatda qeyd olunub.

Məktəbli qızın saxlanıldığı bildirilir.