İraqda İŞİD-in məhv edilməsi üçün son mərhələ başladılıb.

Axar.az xəbər verir ki, bunu İraq Baş naziri Heydər Abadi Kərkük valisi Nəcməddin Kərim ilə görüşündə deyib.

O, İŞİD-in nəzarətində olan Havicə mahalının tez bir zamanda azad ediləcəyini bildirib:

"Türkiyə başda olmaqla, qonşu ölkələrə sülh şəraitində yaşamaq istəyirik. Heç kimin torpaqlarında gözümüz yoxdur. İŞİD xaricdən gəlib ərazilərimizi işğal etdi. Çox qəribə durum yaranıb. İŞİD-in sonu yaxınlaşdığı zamanda nə üçün əməliyyatlarda iştirak etmək istəyirlər? Terrorçuların xalqımızı öldürdüyü ilk vaxtlarda nə üçün yardıma gəlmədilər?"

Qeyd edək ki, İraq hökuməti türk ordusunun Başikada olması ilə heç cür barışa bilmir.