15 iyul hadisəsi zamanı Türkiyə Baş Qərargahında baş verən qarşıdurmanı əks edən video ilk dəfə yayımlanıb.

Axar.az xəbər verir ki, videoda Baş Qərargahı ətrafında xuntaçı əsgərin avtomobili ilə binadan çıxmaq istədiyi görünür. Ancaq qapıda dayanan əsgər ona izn vermir. Belə olan təqdirdə xuntaçı əsgər silah qaldırır və maneəni qıraraq, avtomobilin çıxışına izn verməyən əsgərin üzərinə sürür.

Qeyd edək ki, çevrilişə cəhd zamanı Hərbi Hava Qüvvələri komandiri, ordu generalı Məhməd Şanvərin qızının toyunda 10 yüksək rütbəli hərbçi girov götürülmüşdü.