Ruslar Ukraynanın böyük şəhərlərini "ölü şəhərlərə" çevirmək istəyirlər. Bu strategiyanın bir hissəsinə Kiyevdə və digər yerlərdə Dnepr üzərindəki körpülərə hədəfli zərbələr endirmək daxil ola bilər.

Axar.az xəbər verir ki, bunu Ukraynanın Hücum Qoşunları Komandanlığının zabiti Denis Yaroslavski deyib.

O qeyd edib ki, ruslar sistematik şəkildə raket və pilotsuz təyyarələrlə birgə zərbələr endirmək imkanına malikdirlər. Üstəlik, bu hücumlarda istifadə edilən dronların 40%-ə qədəri artıq reaktiv mühərriklə işləyir.

"Onlar hazırda böyük şəhərləri “ölü şəhərlərə” çevirməyə çalışırlar. Bu, Putinin qoyduğu prioritet vəzifədir. Onların sözçüləri körpülərə zərbə endirməli olduqlarını deyirlər. Kiyevdəki körpülərə zərər vermək planları var. Bu, çöküşə səbəb olacaq. Kiyev meriyasının bu barədə düşünüb-düşünmədiyini və ya onu tez bir zamanda təmir etmək üçün "B planı" olub-olmadığını bilmirəm. Cənub körpüsünün beş ildir təmir altında olmasını nəzərə alsaq, tez heç nə baş verməyəcək", - Yaroslavski qeyd edib.