09:26

ABŞ Mərkəzi Kəşfiyyat İdarəsi (MKİ) Rusiyaya qarşı geniş miqyaslı kiber hücuma hazırlaşır.

Axar.az xəbər verir ki, bu barədə MKİ-yə birbaşa Prezident Barak Obama göstəriş verib. NBC telekanalının məlumatına görə, kiber hücum "qisas" xarakterli olacaq və atılacaq addımlar bir müddət öncə Demokratlar Partiyasının qazanması üçün seçkilərin nəticələrini dəyişməyə cəhd edən Moskvaya qarşı cavab tədbiri kimi qiymətləndirilir.

Xəbərdə MKİ-nin Kremli "utandıracaq" bir hücum planı hazırladığı qeyd olunub.

Kanala danışan ABŞ vitse-prezidenti Co Bayden də Rusiyanın kiber hücumlarını cavabsız qoymayacaqlarını bildirib. "Biz istənilən kiber hücumlara cavab verməyə qadirik. Onlar bunu gözəl bilir. Seçdiyimiz vaxtda, lazımi üsulla bunu həyata keçirəcəyik. Rusiyanın ABŞ-da prezident seçkilərinə təsir etmək imkanı yoxdur", - Bayden qeyd edib.

Xatırladaq ki, ABŞ rəhbərliyi ötən həftə Demokratlar Partiyasının seçki kampaniyaları ilə bağlı kiber hücum olduğunu açıqlayaraq ilk dəfə rəsmi şəkildə Moskvanı günahlandırmışdı. Rusiya hökuməti səslənən bütün iddiaları rədd edib.