Rusiya Prezidenti Vladimir Putin Minsk razılaşmasının siyasi bəndlərinin yerinə yetirilməməsində Ukrayna Prezidenti Pyotr Poroşenkonu ittiham edib.

Axar.az xəbər verir ki, Putin Poroşenkonun Rusiyanı Minsk razılaşması ilə bağlı günahlandırmasını bəhanə adlandırıb.

"Hesab edirəm ki, siyasi sferada nəsə etməmək yalnız bəhanədir. Addım atmaq lazımdır, ən azından təhlükəsizlik məsələləri reallaşdırılmalıdır. Bunsuz konflikti nizama salmaq mümkün deyil. İnsanlar əmin olmalıdırlar ki, onların hüquqları təmin ediləcək və buna Ali Rada səviyyəsində razılıq veriləcək. Əgər bunlara əməl edilməsə, bu o deməkdir ki, mövcud hakimiyyət problemin həllinə hazır deyil", - Putin qeyd edib.