Ukrayna Prezidenti Vladimir Zelenski xanımı Yelena Zelenskaya ilə Kanadaya 3 günlük səfərə gedib.

Axar.az xəbər verir ki, bu barədə Kanada hökumətinin mətbuat xidməti məlumat yayıb.

“Ukrayna prezidenti və birinci xanımın səfəri çərçivəsində üç fərqli məkanda - Kalqari, Toronto və Nort Bey tədbirlərində, o cümlədən Kanada hökumətinin iclasında iştirak nəzərdə tutulub.

Səfərin gündəliyi Kanada və Ukrayna arasında ortaq prioritetlərə, xüsusən də müdafiə, iqtisadiyyat və enerji sahələrində əməkdaşlığın dərinləşdirilməsinə yönəlib. Hökumətin açıqlamasında həmçinin Rusiyanın Ukraynaya qarşı müharibəsində insan itkisinin müzakirə ediləcəyi qeyd olunur”, - məlumatda bildirilib.