"Normand dördlüyü"nün görüşü göstərdi ki, Donbasda hələ uzun müddət status-kvo qorunub saxlanacaq.

Axar.az xəbər verir ki, bunu jurnalistlərə açıqlamasında Rusiya Federasiya Şurasının Müdafiə və Təhlükəsizlik Komitəsinin sədr müavini Frants Klintseviç söyləyib.

Onun sözlərinə görə, Donbasda istənilən qəfil hərəkət konflikti daha da gərginləşdirəcək.

O, "Normand dördlüyü"nün görüşündə heç bir uğurun əldə olunmadığını bildirib.

Qeyd edək ki, "Normand dördlüyü"nə daxil olan ölkələrin liderlərinin görüşü dünən Berlində baş tutub. Görüş 5 saat davam etsə də, Donbasla bağlı heç bir uğurlu nəticə əldə edilməyib.

"Normand dördlüyü"nə Rusiya, Ukrayna, Fransa və Almaniya daxildir.