Türkiyə bundan sonra da Gürcüstanın ərazi bütövlüyü və suverenliyini müdafiə edəcək.

Axar.az xəbər verir ki, bunu jurnalistlərə açıqlamasında Türkiyənin Gürcüstandakı səfiri Zəki Ləvənd Gömrükçü söyləyib.

Onun sözlərinə görə, Türkiyə Gürcüstanın yeganə qonşusudur ki, sərhədləri ilə bağlı heç bir problemi yoxdur. O, Batuminin bundan sonra da Gürcüstan ərazisi kimi qalacağını bildirib.

Qeyd edək ki, bundan öncə Ermənistan mətbuatı yalan məlumat yayaraq bildirib ki, guya Türkiyə Prezidenti Rəcəb Tayyib Ərdoğan Rizə Universitetində çıxışı zamanı Batuminin Türkiyəyə birləşdirilməsi ilə bağlı fikirlər səsləndirib.