Çexiyada Rusiya təbliğatı ilə mübarizə aparmaq üçün xüsusi qrup yaradılıb.

Axar.az xəbər verir ki, bunu jurnalistlərə açıqlamasında Çexiya Daxili İşlər naziri Milan Xovanets söyləyib. Onun sözlərinə görə, yaradılan yeni qrup 20 nəfərdən ibarət olacaq:

"Bu qrupun işçiləri ictimaiyyət arasında yayılan dezinformasiyalar üzərində çalışacaqlar. Onlar həmçinin digər məmurlara da bu təbliğatla savaş vasitələrini öyrədəcəklər. Bu şəxslər Rusiya təbliğatına qarşı sosial şəbəkələr və digər kommunikasiya vasitələri ilə mübarizə aparacaqlar".