Rusiyanın ABŞ-da keçiriləcək prezident seçkilərini izləmək cəhdləri uğursuzluqla nəticələnib.

Axar.az xəbər verir ki, Rusiyanın Hyustondakı Baş Konsulluğu Texas ştatının rəhbərliyinə müraciət edərək seçkiləri müşahidəçi qismində izləmək istədiyini bildirib.

Ştatın Xarici İşlər naziri Karlos Kasko verdiyi açıqlamasında yazılı müraciəti cavablandırdıqlarını, lakin təklifin qəbul edilmədiyni deyib.

Oklahoma və Luiziana ştatlarında da eyni qaydada müraciət olunduğu, rəhbərliyin isə edilən müraciətləri rədd etdiyi ortaya çıxıb.

ABŞ Dövlət Departamentinin sözçüsü Con Kirbi isə Rusiyanın Avropada Təhlükəsizlik və Əməkdaşlıq Təşkilatı (ATƏT) çərçivəsində seçkiləri müşahidə etmək üçün müraciət etmədiyini deyib.