Türklərin Mosul əməliyyatına qatılmaq istədiyini bilirik. Təşəkkür edirik. Lakin bu, iraqlıların həll edəcəyi məsələdir.

Axar.az xəbər verir ki, bunu İraq Baş naziri Heydər Abadi deyib.

O bildirib ki, İraq hökuməti İŞİD-in öhdəsindən təkbaşına gələcək:

"İraqlılar Mosulu və digər torpaqları azad edəcək. Mosul əməliyyatında yerli qüvvələr də iştirak edəcək. Yardıma ehtiyacımız olarsa, Türkiyə və digər dövlətlərdən istəyərik".

Qeyd edək ki, dünən Türkiyədə səfərdə olan ABŞ Müdafiə naziri Eşton Karter Ankara və Bağdadın Mosul əməliyyatı ilə bağlı prinsipcə razılaşdığını bildirmişdi.