Avropa Birliyinin Rusiyaya qarşı Hələbdəki situasiya ilə bağlı sanksiya tətbiq etməsi doğru deyil.

Axar.az xəbər verir ki, bunu ARD televiziyasına müsahibəsində Almaniya Xarici İşlər naziri Frank-Valter Ştaynmayer söyləyib. Onun sözlərinə görə, AB-nin bu addımı Suriya ilə bağlı danışıqlara mənfi təsir edə bilər:

"Digər konfliktlərdə istifadə etdiyimiz sanksiya metodu Suriyada humanitar fəlakətin qarşısını almağa kömək etməyəcək. Bu sanksiyalar hətta bizim üçün vacib olan danışıqlarla bağlı imkanları tam məhv edə bilər. Biz Rusiyaya artıq bir konfliktdə sanksiya tətbiq etmişik, amma bu, həmin şeyin digər bir konfliktdə də işləyəcəyi anlamına gəlməməlidir".