Rusiya Prezidenti Vladimir Putinin hakimiyyətdən getməsinə hakim elitadakı parçalanma səbəb olacaq.

Axar.az xəbər verir ki, bunu "Azadlıq" radiosuna müsahibəsində əslən Bakı ermənisi olan rusiyalı müxalifətçi Harri Kasparov söyləyib. Onun sözlərinə görə, elita daxilində parçalanma xarici siyasətdəki məğlubiyyətdən sonra yaranacaq:

"İlk növbədə Qərbin mövqeyi Rusiya elitasının təcrid edilməsinə yönələcək. Bu dəfə Moskvaya qarşı yalnız sanksiyalardan istifadə edilməyəcək. Rusiya hər tərəfdən sərt mühasirəyə alınacaq. Qərb hazırda Rusiyaya qarşı mübarizədə özünün iqtisadi potensialının yalnız 10%-indən istifadə edir. Hazırkı hakimiyyət İrandakı rejimin çəkdiklərinin yarısına dözmək iqtidarında deyil. Ona görə ki, İranda Qərbə inteqrasiya Rusiyada olduğu qədər deyil. Bir sözlə, əgər Qərb İran variantının bir hissəsini Rusiyada tətbiq etsə, burada daha çox problem yaranacaq".