Mosul-Hələb xəttinin şimalı Türkiyə üçün yeni müdafiə xəttidir. Nə olur-olsun, Türkiyə bu xətdə olmalıdır.

Axar.az xəbər verir ki, bu sözləri tanınmış türk yazarı İbrahim Qaragül son köşəsində yazıb. O, Suriya və İraqda Türkiyəyə qarşı plan qurulduğunu iddia edib:

"Həmin bölgədə güc mərkəzi Türkiyə olmalıdır. Məsələ budur: Mosul və Hələb, yəni iki ölkənin şimalı artıq İraq və Suriyanın nəzarətində olmayacaq. Türkiyəni savaşdan uzaqlaşdırmaq üçün PKK-PYD və İŞİD-lə birlikdə oyun qurublar. Bu oyunda Türkiyə hədəfə alınıb və bir müddət sonra bizə müharibə də elan edə bilərlər. Bu bölgə mütləq şəkildə Türkiyənin nəzarətinə keçməlidir".