ABŞ qəsdən Rusiyanın guya bu ölkədəki seçkiyə müdaxilə etməsi haqda fikir yaradır.

Axar.az xəbər verir ki, bunu jurnalistlərə açıqlamasında Rusiya Xarici İşlər naziri Sergey Lavrov söyləyib.

Qeyd edək ki, bundan öncə ABŞ rəsmiləri Rusiyanın ölkədə keçirilən prezident seçkisinə müdaxilə təhlükəsinin olduğunu bildiriblər. Vaşinqtonun iddiasına görə, Moskva hətta prezident seçkisinə müdaxilə üçün kibervasitələrdən də yararlanır. Rusiya isə ABŞ-ın bu iddiasını təkzib edib və istənilən Amerika prezidenti ilə işləməyə hazır olduğunu bildirib.