Ukrayna deputatı Nadejda Savçenko Moskvaya gedib.

Axar.az xəbər verir ki, bu barədə informasiyanı Savçenko öz Feysbuk səhifəsində paylaşıb. Savçenko Moskvada Nikolay Karpyuk və Stanislav Klıxın məhkəmələrində iştirak edəcəyini bildirib:

"Mənim orada olmağım vacibdir. Heç olmasa, iştirak etməyimlə onları dəstəkləmək istəyirəm. Qoy anlasınlar ki, ukraynalılar özününküləri atmırlar".

Qeyd edək ki, Nikolay Karpyuk və Stanislav Klıx 2014-cü ildə Rusiyada həbs ediliblər. Onlar 1994-1995-ci illərdə Çeçenistanda çeçen mücahidlərinin tərəfində döyüşməkdə ittiham edilirlər. Hər iki şəxs Ukraynanın UNA-UNSO millətçi təşkilatının üzvü hesab edilir. Karpyuk hətta bu təşkilat adını dəyişdirib Sağ Sektor edənədək ona rəhbərlik edib.