Çeçenistan Respublikasının Mədəniyyət Nazirliyi toylarda milli adət-ənənələrə nəzarət edilməsi ilə bağlı xüsusi işçi qrupu yaradıb.

Axar.az xəbər verir ki, bu barədə sözügedən nazirlik məlumat yayıb.

"İctimai yerlərdə təşkil edilən toylarda milli adət-ənənələrin keçirilmə qaydasına nəzarət etmək üçün xüsusi işçi qrupu yaradılıb. Əgər milli dəyərlərə, mentalitetə uyğun olmayan rəqs, yaxud geyim nəzərə çarparsa, əməkdaşlar dərhal bunun qarşısını alacaqlar", - açıqlamada bildirilib.

Qeyd edək ki, 1 il əvvəl Qroznı meri toylarda spirtli içkidən istifadəni və mərasim zamanı havaya odlu silahdan atəş açmağı qadağan etmişdi.