Mosul əməliyyatı ilə bağlı üzərimizə düşən vəzifəni uğurla icra etmişik. Lakin İŞİD-dən sonra şəhərin taleyi ilə bağlı narahatıq.

Axar.az xəbər verir ki, bunu Şimali İraq Kürd Muxtariyyətinin Baş naziri Neçirvan Bərzani deyib.

O bildirib ki, rəsmi Bağdad və beynəlxalq koalisiya qüvvələri ilə əldə edilən razılığa əsasən peşmərgə döyüşçüləri əvvəlcədən müəyyənləşdirilən bölgənin böyük bir hissəsini nəzarət altına alıb:

"Kürdlər bu razılaşmaya tam sadiq qaldılar. Hökumətimiz İŞİD-dən sonra Mosul gələcəyi ilə bağlı narahatlıq keçirir. Terrorçuların təmizlənməsindən sonra Mosulla bağlı siyasi razılıq əldə olunmalıdır".

Qeyd edək ki, əməliyyatların başlandığı gündən bu yana kürd döyüşçülər Mosulda bir neçə yaşayış məntəqəsini azad etməyi bacarıblar.