Bu il ərzində Ermənistanda Rusiyanı dost hesab edənlərin sayı 86%-dən 69%-ə enib.

Axar.az xəbər verir ki, bu nəticə Avrasiya İnkişaf Bankının apardığı tədqiqatdan sonra ortaya çıxıb. Hesabata əsasən, ermənilərin Rusiyaya inamının itməsinə əsas səbəb Qarabağ münaqişəsi və elektrik enerjisinin qiymətlərinin qalxmasıdır.

Ermənilər həmçinin Gürcüstana da etibarlarını itiriblər. Bu il Gürcüstanı dost hesab edən şəxslərin sayı 27%-dən 13%-ə düşüb. Üstəlik, MDB ölkələrini dost hesab edən ermənilərin sayı da 13% azalıb.

2016-cı ildə həmçinin Ermənistan əhalisinin Azərbaycan (97%) və Türkiyəyə (83%) nifrəti də tarixi maksimuma çatıb.