Silahlı şəxslərin Hələbdə məktəbə təşkil etdiyi hücum nəticəsində 3 şagird ölüb, 10-u isə yaralanıb.

Axar.az xəbər verir ki, bunu Rusiya Müdafiə Nazirliyinin sözçüsü İqor Konaşenkov deyib.

"Axşamüstü, dərslərin davam etdiyi bir vaxtda Hadaiq Əndəlüs səmtində yerləşən məktəbə partlayıcı və qaz bombası atılıb. Maşarka ərazisində isə humanitar kortej atəşə tutulub. Nəticədə 12 nəfər ölüb, 20-si yaralanıb. Nə üçün YUNİSEF və BMT Təhlükəsizlik Şurasının daimi üzvləri hələ də heç nə etmək istəmirlər", - nazirlik rəsmisi vurğulayıb.