Türkiyə Səhiyyə Nazirliyi və AKP siqaretlə bağlı qanun layihəsində qaydalara əməl etməyən şəxslər və müəssisələr üçün cəzaları sərtləşdirməyi hədəfləyir.

Axar.az xəbər verir ki, bu barədə Türkiyə mediası məlumat yayıb.

Məlumata görə, restoran və kafelərdə, qapalı məkanlarda siqaret çəkmək üçün ayrılmış yerlər müəssisənin ölçüsünə əsasən müəyyən ediləcək. Açıq havada isə yalnız müəyyən hissələrdə siqaret çəkməyə icazə veriləcək.

Səhiyyə Nazirliyinin son araşdırmasına əsasən, Türkiyə siqaretlə əlaqəli xəstəliklər və onların müalicəsi üçün səhiyyəyə hər il 30 milyard dollar xərclənir.

Türkiyədə bazar və baqqal mağazaları kimi yerlərdən siqaret alan 13-15 yaşlı uşaqların nisbəti 73,3%-dir. Qlobal miqyasda siqaret çəkməyə başlamaq üçün yaş aralığı 14-25 yaşdır. Siqaret çəkənlərin 82%-i bu yaşda siqaret çəkməyə başlayır.

Lakin Türkiyədə siqaret çəkməyə başlamaq üçün orta yaş həddi 17-dir. Bu o deməkdir ki, insanlar siqaret satışının qadağan olunduğu 18 yaşdan əvvəl siqaret çəkməyə başlayırlar.

Türkiyədə 15-24 yaşlı qadınlar arasında tütün istifadəsinin nisbəti 13 ildə iki dəfədən çox artıb.