Ermənistan defolt ərəfəsindədir.

Axar.az xəbər verir ki, bunu jurnalistlərə açıqlamasında erməni iqtisadçı Vaaqn Xaçatryan söyləyib. Onun sözlərinə görə, hökumət bununla bağlı təcili tədbirlər görməlidir:

"Büdcənin həcminə, dövlət borcuna baxanda görürük ki, kifayət qədər problemli situasiyadayıq. Əgər hansısa qərar qəbul etməyə cəhd etsək, belə nəticəyə gələ bilərik ki, hətta dövlət borcunun işlənməsi sahəsində də problemlər var və bu bizə Ermənistanın həqiqətən iflas ərəfəsində olduğunu söyləməyə imkan verir. Bu siqnal öncədən verilmişdi. Belə ki, iqtisadiyyat dağılır, iqtisadi artım üçün resurslar ya yoxdur, ya da təcrid edilib. Ölkə defolt ərəfəsindədir və bunun öhdəsindən yalnız korrupsiya və kölgə iqtisadiyyatı ilə mübarizə aparmaqla gəlmək olar".

Qeyd edək ki, bundan öncə Ermənistanın ilk prezidenti Levon Ter-Petrosyan da ölkənin tezliklə defolt olacağını açıqlamışdı.