Əfqanıstan ordusu son 24 saat ərzində Talibanın 66 döyüşçüsünü məhv edib.

Axar.az xəbər verir ki, "Hama Press" agentliyi Talibana qarşı əməliyyatların hələ də davam etdiyini bildirib.

Qeyd edək ki, bundan öncə Əfqanıstan ordusu Talibana qarşı genişmiqyaslı antiterror əməliyyatına başlayıb. Əməliyyat eyni anda ölkənin bir neçə rayonunda aparılır. Tərəflər arasında daha qızğın döyüşlər Gilmend, Nanqarhar, Qəznə, Qor, Qəndəharda gedir. Talibana artilleriya və aviasiya zərbələri endirilir.

Son illər ərzində Taliban ölkənin cənub, şərq və şimal ərazilərində güclənib. Hazırda terror təşkilatı Əfqanıstanın 30%-nə nəzarət edir.