Bu gün Ermənistanda 21 icmada yerli özünüidarəetmə orqanlarına seçkilər keçirilib.

Axar.az xəbər verir ki, seçkilərin nəticələri ilə bağlı yekun məlumat hələ yoxdur.

Ermənistan Mərkəzi Seçki Komissiyası seçkilərdə müxtəlif icmalar üzrə təqribən 40-60 faiz civarından seçici iştirak etdiyini açıqlayıb. Yalnız Lori vilayətinin Fioletovo icmasında 25,39% seçici fəallığı qeydə alınıb.

Ən yüksək seçici fəallığı isə Lori vilayətinin Stepanavan icmasında olub— 68,83%.

Hakim Mülki Müqavilə Partiyası seçkilərdə ciddi üstünlük qazandığını artıq elan edib. Ermənistan parlamentinin sədr müavini Vaaqn Aleksanyanın sözlərinə görə, Kirantsda Mülki Müqavilə Partiyasından olan namizədlər səslərin 88,89%-ni toplayıb.

Mehri icmasının Müvədi qəsəbəsində hakim partiya səslərin 74,4%-i, Kurisdə 72,97%-ni, Liçqdə 83%-ni, Taştunda 64,56%-ni, Lehvazda isə 79,38-ni toplayıb.