Səudiyyə Ərəbistanı 2027-ci ilin ikinci yarısından etibarən neftini Sinqapurun anbarlarında saxlayacaq.

Axar.az xəbər verir ki, bu barədə məlumat Sinqapurun Energetika, Ticarət və Sənaye Nazirliyinin veb saytında dərc olunub.

“Sinqapurun Energetika, Ticarət və Sənaye Nazirliyi ilə Səudiyyə Ərəbistanı Krallığının Energetika Nazirliyi bu gün Sinqapurda neft ehtiyatı anbarının yaradılması ilə bağlı birgə niyyətlərini açıqlayıblar. Təklif olunan plana əsasən, Səudiyyə nefti eyniadlı adada yerləşən “Jurong” yeraltı anbarlarında saxlanılacaq. Neftin saxlanılmasına 2027-ci ilin ikinci yarısında başlanılması gözlənilir.

Neftin saxlanılması tədarükdə fasilələr yarandığı təqdirdə Sinqapurun enerji tələbatını təmin etməyə imkan verəcək və bununla da ölkənin enerji təhlükəsizliyini gücləndirəcək. Bundan əlavə, bu təşəbbüs Səudiyyə neftinin bütün Cənub-Şərqi Asiya üzrə təchizat zəncirinin etibarlılığını artıracaq”, - məlumatda bildirilib.