ABŞ Prezidenti Barak Obama və katoliklərin dini lideri Papa Fransiski təhqir etməklə dünya mediasının gündəminə gələn Filippin Prezidenti Rodriqo Duterte bir daha söyüş söyməyəcəyinə and içib.

Axar.az xəbər verir ki, Yaponiya səfərindən sonra Filippinin cənubundakı Davao şəhərinə gələn prezident xalq qarşısında çıxış edib.

"Təyyarədə hər kəs yatırdı. Səmaya baxdığım zaman "Pis danışmağı tərgitməsən, bu təyyarəni elə indicə yerə endirərəm", - deyə, bir səs eşitdim. Öz-özümə "bu kimdir" soruşdum. Təbii ki, Tanrı idi. Bu hadisədən sonra bir daha söyüş söyməyəcəyimə and içdim", - Duterte qeyd edib.

Prezidentin bu çıxışından sonra kütlənin içindən böyük alqış sədaları yüksəlib. Bunu görən Duterte "Çox alqışlamayın, yoxsa yoldan çıxaram", - deyib.