ABŞ-da Demokratlar Partiyasından prezidentliyə namizəd Hillari Klinton "Elektron poçt" işi üzrə aparılan araşdırmalara münasibət bildirib.

Axar.az xəbər verir ki, xanım namizəd özünə güvəndiyini, bütün sübutların dəyişdirilmədən yayılmasını istədiyini bildirib:

"Amerika xalqı bütün gerçəkləri bilmə haqqına sahibdir. Bu büro (Federal Təhqiqatlar Bürosu (FTB) – red.) problem nədirsə, onu tezliklə xalqa açıqlamalıdır".

Qeyd edək ki, FTB sabiq dövlət katibi barəsində aparılan istintaqı yenidən bərpa edib. Qurumun direktoru Ceyms Komi Konqresə göndərdiyi məktubda "Elektron poçt" işi üzrə aparılan araşdırmaların davam etdiriləcəyini bildirib.

Klinton 2009-2013-cü illərdə dövlət katibi vəzifəsində çalışarkən şəxsi server vasitəsilə xidməti və fərdi yazışmalar aparıb. O, iyulun 2-də FTB müstəntiqləri tərəfindən 3,5 saat dindirilib.