Rusiya xarici işlər naziri Sergey Lavrovun rəhbərlik etdiyi nümayəndə heyəti G20 ölkələrinin xarici işlər nazirlərinin toplantısında iştirak etmək üçün ABŞ-ın Atlanta şəhərinə səfər edib.

Axar.az xəbər verir ki, bu barədə TASS məlumat yayıb.

Məlumata görə, Rusiya hökumətinə məxsus təyyarə Corciya ştatının paytaxtının hava limanına eniş edib:

“Rusiya nümayəndə heyətini Moskvadan Atlantaya aparan təyyarənin dost olmayan ölkələrin hava məkanından yan keçməklə həyata keçirdiyi uçuş 20 saat 10 dəqiqə davam edib”.

Qeyd edək ki, G20 ölkələrinin xarici işlər nazirlərinin 20-ci toplantısı oktyabrın 30-31-də Atlantada keçiriləcək.