Kubada hakimiyyət dəyişikliyi yaxın 2,5 il ərzində baş verəcək və Venesuela ssenarisi mümkündür.

Axar.az xəbər verir ki, bunu ABŞ Prezidenti Donald Tramp amerikalı jurnalist Benni Consona verdiyi müsahibəsi zamanı deyib.

"Deyərdim ki, bu, çox çəkməyəcək. Baxın, bu, uğursuz bir ölkədir. Xalqı çox tezliklə geri qaytaracağıq. Venesuela ilə nə etdiyimizə baxın və orada işlər çox yaxşı gedəcək. Əvvəlcə orada işi bitirəcəyik, sonra yəqin ki, başqa bir şeyə keçəcəyik. Amma Venesuela ilə işlər əla getdi. İndi isə İran adlı bir ölkə üzərində işləyirik, onu nüvəsizləşdiririk", - deyə Amerika lideri bildirib.

Tramp əlavə edib ki, onlar Kubanı diqqətlə izləyirlər:

“ABŞ Dövlət Katibi Marko Rubio bunun üzərində çox diqqətlə işləyir. Onun valideynləri Kubadandır və iki il yarımdan sonra biz bunu, əslində, daha tez, mütləq başa çatdıracağıq".